Tridax procumbens

Isang ligaw na damo

Na parang kanser

Ang pagkalat ay matulin

Kaya't agad dapat putulin

Ngunit nasubukan ba nilang

Huminto sandali,

Para pagmasdan

Ang taglay nitong kagandahan?

Oo nga pala,

Hindi sapat

Ang nakikita ng mga mata mo

At hindi dapat

Gawing batayan ang panlabas na anyo

Kung ang presensya naman nito'y

Magdudulot ng problema,

Marahil ay sapat na

Na ito'y nasilayan at napagmasdan

Uulan, aaraw, at hahangin

Hayaan mo lang na ika'y tangayin

Tayo'y magkikita't magkikita pa rin

Ang iyong pagbabalik ay aking hihintayin

Tridax procumbens, Coatbuttons or Tridax daisy

- known as a widespread weed or pest plant