Salamat Sa'yo

Dahil sa'yo,
Natuto akong maghintay
At maghinay-hinay

Natutunan kong sumabay
Sa daloy at agos ng buhay
Nang hindi nagaalala
O nangangamba

Natutunan ko na pwede pala na

Huminga at magpahinga sandali

At hindi magmadali

Naiintindihan ko na
Na darating at darating rin
Sa tamang panahon
Kung ano man
Ang sa akin ay nakalaan

Natutuhan ko ring magmahal
Nang walang inaasahang kapalit

Naiintindihan ko na
Na ang pag ibig
Ay hindi lamang puro saya at sarap

Maibubuhos mo rito ang lahat ng klaseng emosyon
Dito'y may saya, lungkot, inis at gigil,

Mayroong tamis, alat, asim, anghang at pait

Kailangan ng balanse
Kailangang timplahin
Hanggang makuha mo
Ang swak sa inyong panlasa
Naroon ang sarap sa proseso

At higit sa lahat ay

Natutunan kong huwag ibuhos
Ang lahat ng pagmamahal
At ubusin sa iba

Mamahalin ko muna ang aking sarili
Bago ko ipamamahagi ang natitira

Kaya't salamat sa iyo,

Natuto ako