Ang Totoong Ikaw

Matalino, mabait

At mahaba ang pasensya

Iyan ang sabi ko

At ang sabi nila tungkol sa'yo

Ngunit nais kong makita ang iba pa,

Kung paano ka magalit, malungkot at matuwa

Dahil gusto kong makilala ka,

Gusto kong makasama ka sa mga oras na iyon

At matunghayan ang lahat ng iyong emosyon

At gagawin ko ang lahat

Para ikaw ay patahanin

Magiisip ng mga biro

Para ikaw ay patawanin

At sa lahat ng pagkakataon

Ikaw ay mamahalin

Aawitan kita ng paborito mong kanta

At babasahan ng mga tula

Mga tulang naisulat ko dahil sayo

Pero bago ang lahat,

Gusto kong makilala ka

Gusto kong malaman ang nilalaman

Ng iyong puso pati na ng isipan

Dahil importante na malaman ko

Kung sino ang totoong ikaw

Nang sa gayon ay maging malinaw

Na totoong mahal kita

At hindi ang ideya sa kung sino ka

Kung sakaling ako rin ay iibigin mo,

Sana ay buong buo

Ang buong pagkatao ko

Hindi ang narating ko

O ang panlabas kong anyo

Mahalin mo ang aking puso't kaluluwa

At asahan mong susuklian ko iyon, sinta