Panahon

Mainit pa rin kahit tag-ulan

Gustuhin ma'ng makatipid sa kuryente

At makatulong sa kalikasan

Magkakasakit ka naman

Kung sa bagay, ganoon rin naman ako

At ang pagtingin ko sa'yo

Hindi nagpatinag, hindi nagbabago,

Kahit na ang panahon ay tumatakbo

Bagkos ay lalo pa yatang lumalim

Nang napagtantong totoo nga

Na mahal kita

Naghilom na ang sugat

Nawala ang galit

Pero ang pag-ibig ay nananatili

At hindi na kailanman ikukubli